|
| 
第二日一早就食早餐, 然後出發到滑雪場. 唔記得講, 我地呢團晌尋晚已經book好雪衣雪褲, 和用具, 所以唔使晌滑雪場再花時間安排, 直接去玩就得啦! 我地去既係現代星宇滑雪場, 個場都唔錯, 初學和有經驗既都啱玩. 當日有d太陽, 原來滑雪真係一種有汗出既運動, 感覺都幾熱. 
導遊首先教我地呢d初學者熱身, 和一些基本工. 之後, 我地就慢慢地練習. 如果話要玩下, 都唔算好困難, 用左一兩個小時, 就可以掌握到一些, 晌少少既斜坡上滑落黎(唔跌), 係無問題既. 中午自費食午餐, 唔識叫野食, 只好食KFC! 食完再去滑過, 不過, 有好多團友已經太累, 唔玩了. 我當然唔想浪費時間, 繼續玩啦, 難得旅行團安排玩8個鐘! 下午天氣一般, 我最後可以滑到百幾二百米左右, 都算係咁啦~~ 玩完真係好累架! 夜晚都係食韓式燒烤, 之後就返小木屋, 住埋呢晚就返首爾. | | |
| 寫番上個星期既5天韓國之旅. 我參加既5日團(10-14/12), 實在玩足5日, 因為係坐10/12凌晨機, 00:30起飛, 05:30左右就到達首爾既仁川機場. 韓國係比香港快一個小時. 晌機場 hea左一個鐘, 換下錢(HK$:WON=1:144, 換左幾十萬!), 跟住就去第一個景點--Seven Luck Casio. 因為太早了, 只可以去賭場玩玩. 賭場好細, 玩意不多, 澳門的真係好好多! 好幸運, 我贏左3萬元(韓國won), 哈哈~ 下一站就係韓國總統府--青瓦台, 影下相就走啦. 之後前往戰爭紀念館, 睇下戰機, 坦克等等, 跟住就去食火鍋+石頭飯. 下午開始坐長途車, 兩個半鐘後便抵達雪嶽山國立公園, 天氣好凍啊, 不過只係落毛毛雨, 冇雪落. 公園內有一尊大佛, 比香港的細得多. 跟住, 再坐車一個小時多, 才抵達晚上入住的雪之小木屋. 冬天好早就天黑, 安頓後立刻就晚餐, 食既係小木屋BBQ晚宴(韓式燒烤). 尋晚冇訓, 食完就返木屋休息. 準備第二天滑雪!! To be continued... (upload唔到相片, 下次補番) | | |
| 嘩, 時間過得真係很快, 上個禮拜既5天韓國之旅又完左成5日啦! 返到香港都未有時間整理相片和寫blog, 我會趁得閒既時候, 將我個旅程經歷放上黎呢度~~ 相對比韓國, 呢幾日其實一d都唔凍! 可惜整個旅程都冇落雪. To be continued... | | |
| 又就快11月尾了, 天氣涼左幾日就溫暖番, 呢幾日既氣溫就剛剛好啦~ 呢排有d咳呀, 通常我有咳都會咳一排先至好, 希望今次快d好. 上個星期中因見客而再去澳門, 玩左一下, 贏少少. 真係去得太密啦, 有d悶, 要過好一段時候先會再去啦. 由於仍然要清假, 咪安排12月份去韓國玩下lor. 我以前除左轉機外, 都未去過韓國! 今次幸好有朋友做伴, 仲會一試滑雪tim... 今日下午去左APM, 因為小綜鄭元暢來了香港做宣傳簽唱會. 我之前晌商場shopping, 咪有簽唱會入場証+CD. 小綜今次遲到, 玩玩遊戲, 再唱一首歌就開始簽名了. 可惜大會唔準影相, 只好在遠處影, 影得都好差下. 小綜佢都幾nice, 同我講左幾句話, 仲祝我 Merry Christmas. 今個月既投資唔算順利, 希望12月補番~ | | |
| 又過左一個多禮拜, 天氣慢慢涼啦, 今年好似早左凍?? 前日請左一日假, 結果去左澳門玩~ 點解又去澳門? 因為來回船飛唔使錢(去程就一定ok, 回程就要晌威尼斯人玩夠3分), 今次仲收到新豪天地既SMS, 免費送我兩張自助餐卷. 又免路費, 又有得食, 唔去都唔得啦~ 上午出到12點既船飛, 候補11點就上到船, 12點三就到達了. 坐新豪天地既車, 仲送我$100泥碼卷投注! 去到先換好餐卷, 泥碼, 跟住輕輕鬆鬆去食自助午餐, d野食普普通通啦, 要比錢就唔值呢個價錢! 食完就晌新豪玩下lor, 佢地用呢招都有效ge. 結果玩左成個鐘, 運氣好咪贏錢lor~ 之後出返市區, 去左郵局, 跟住行下大三巴, 今次有人做導賞, 咁就對大三巴了解多d, 傍邊仲有哪吒廟, 真係中西合璧! 剛巧當日係澳門美食節開幕日, 仲有shuttle bus去, 咁咪要去睇下啦. 咦, 都有好多檔wor...台灣既, 馬來西亞既, 本地既... 等等, 睇落都好似幾好味, 不過, 買野食好麻煩, 要買$100 coupon, 跟住十蚊, 廿蚊咁撕開黎用! 睇完之後去左新八佰伴行下, 新既location同埋新既裝修, 感覺都唔錯. d野就可能晌香港買會抵d啦. 再掃過黎, 先去英皇問楊生拿錢, 不過今次難左d, 最後都係成功, 少少意思咁啦! 新葡京當然要去啦, 不過, 旺我既時辰可能過左, 結果都係先輸後贏, 得些好意須回手咁啦, 再跟住去永利影下相, 去埋凱旋門試玩兩手, 都係保持勝果! 在凱旋門外邊, 遇到一位魔術師, 佢表演左幾套魔術比我睇, 簡直神符奇技! 真係晌你面前做, 都睇唔到有乜破綻! 好野!! 都成8點幾, 咪返新豪食晚餐, o下, 晚餐d菜式同午餐一樣ge?? 算啦, 免費就唔好嫌咁多. 食完後仲用埋佢張泥碼卷贏錢~ 最後返威尼斯人玩craps, 好彩有好運既人, 帶領成檯都贏錢, 其實呢個game係賭場中最好玩既, 因為可以自己shoot the dics~ 唔中都唔好賴人啦! 夜晚坐1點既船返香港, 12個鐘好快又過去啦~~ | | |
|
